Një 54-vjeçare është gjetur e pajetë në një pyll në Elbasan. Sipas uniformave blu, sot rreth orës 13:10, në fshatin Zavalin, Elbasan, është gjetur e pajetë në pyll, pa shenja dhune, shtetasja P.B..
Mësohet se gruaja ishte shpallur në kërkim pasi ishte larguar nga banesa 1 ditë më parë. Ka qenë nipi i saj, shtetasi Th.S., ai që bëri denoncimin në polici.
“Më datë 13.12.2021, rreth orës 13:10, në fshatin Zavalin, Elbasan, është gjetur e pajetë, në pyll, pa shenja dhune, shtetasja P. B., 54 vjeçe, banuese në fshatin Zavalin.
Kjo shtetase ishte shpallur në kërkim për largim nga banesa, pasi më datë 12.12.2021, rreth orës 16:00, shtetasi Th. S., 30 vjeç, banues në fshatin Zavalin, Elbasan, ka bërë kallëzim se ishte larguar nga banesa, tezja e tij, shtetasja P. B., 54 vjeçe, banuese në Zavalin.
Grupi hetimor po punon për sqarimin e rrethanave të ngjarjes”-njofton policia e Elbasanit./Opinion.al
