Pas vdekjes së një vajze 3-vjeçare në spitalin e Elbasanit ditën e djeshme mësohet se policia ka proceduar penalisht mjekun G. A., të këtij spitali i cili akuzohet për veprën penale “Neglizhenca në trajtimin mjekësor”.
3-vjeçarja është dërguar në spital, në gjendje të rëndë për jetën dhe pas disa orësh dyshohet se ka ndërruar jetë për shkak të neglizhencës nga ana e mjekut.
“Nga specialistët për Hetimin e Krimit në Komisariatin e Policisë Elbasan u procedua penalisht për veprën penale “Neglizhenca në trajtimin mjekësor”, shtetasi G. A., 47 vjeç, banues në Elbasan, me detyrë mjek në Spitalin Rajonal Elbasan, pasi ditën e djeshme është dërguar në spital, në gjendje të rëndë për jetën, një shtetase e mitur 3 vjeçe, e cila pas disa orësh dyshohet se ka ndërruar jetë për shkak të neglizhencës në trajtimin mjekësor. Materialet i kaluan Prokurorisë, për veprime të mëtejshme”, thuhet në njoftimin e policisë./Opinion.al
