Një person ka humbur jetën pasi është përplasur nga një automjet në aksin rrugor Elbasan-Cërrik.
Policia nuk bën të ditur identitetin e viktimës, por konfirmon se drejtuesi i mjetit “Benz”, është arrestuar. Në pranga ka rënë një 31 vjeçar, i cili nga veprimet e para rezultoi se drejtonte mjetin në gjendje të dehur.
NJOFTIMI
Specialistët e Qarkullimit Rrugor në Drejtorinë Vendore të Policisë Elbasan, arrestuan në flagrancë për veprat penale, “Drejtimi i automjeteve në mënyrë të parregullt” dhe “Shkelje e rregullave të qarkullimit rrugor” shtetasin: B.Q., 31 vjeç, banues në fshatin Llixha, Elbasan.
Arrestimi i tij u bë pasi në aksin rrugor Elbasan- Cërrik, duke drejtuar mjetin “Benz”, ka përplasur një shtetas të seksit mashkull ende të paidentifikuar, i cili ka ndërruar jetë.
Nga veprimet e para hetimore rezultoi se drejtuesi i mjetit drejtonte mjetin në gjendje të dehur në masën 1.03 mg/ l.
Vijon puna për sqarimin e rrethanave të ngjarjes si dhe identifikimin e viktimës./Opinion.al
