Mbrëmjen e djeshme emisioni “STOP” transmetoi rastin e pedagogut të Elbasanit, Denis Himçi i cili i kërkonte studentes favore seksuale dhe në këmbim do e ndihmonte për marrjen e provimeve në të cilat ishte mbetëse.
Pas publikimit të videos, Himçi u arrestua nga policia e Elbasanit dhe ndaj tij ka nisur një hetim. Ndërkohë, mësohet se pedagogu Denis Himçi është pezulluar edhe nga detyra e tij si pedagog.
Ky lajm është bërë i ditur nga Rektorati i Universitetit të Elbasanit, “Aleksandër Xhuvani”, ku shprehet se; “ka marrë menjëherë masën e pezullimit nga detyra të pedagogut Denis Himçi. Masa e pezullimit nga detyra do të jetë në fuqi deri në zbardhjen e plotë të çështjes”.
