Kreu i grupit parlamentar të Partisë Socialiste ka qenë në një takim me banorë të zonës së Funarit, nga ku ka publikuar në rrjetin social Facebook edhe një fjalën e një banori.
“Këndi i fjalës së njerëzve të thjeshtë”, shkruan Balla në tesktin që shoqëron videon, ndërkohë që qytetari, një mbështetës i Partisë Socialiste arsyeton pse sipas tij në 25 Prill duhet votuar PS dhe Edi Rama.
Qytetari e cilëson skandal të mos votohet Edi Rama, ndërsa shprehet se duhet të fitojnë 10 deputetë në qarkun e Elbasanit.
“Unë personalisht, e kam hallin tek zgjedhjet. Ne duhe ttë fitojmë thellë, edhe si zonë edhe si qark. Duhet të marrim 10. Zgjedhjet i ke në dorë ti edhe ne, pastaj Sekretari i Përgjithshëm i PS. Ka ardhur 5-6 herë në Funar ai. Tani ky nuk do rri vetëm në Funar se ka gjithë Republikën e Shqipërisë. Tani me zgjedhjet…. Janë bashkuar kokrra- kokrra ata, ata. Ne bashkohemi me popullin. Dhjetëshen duhet të kemi. Që atëherë nuk flasin ata, se nuk shifen dot. Kanë 7 vjet që na morën shpirtin, unë e heq televiziorin, e çoj në një vend tjetër. Unë nuk kam asnjë lidhje me Taulant Ballën. Nuk jam interesçi , jam idealist Mos të votosh sot PS, thellë… Që t’i hyjmë në kokë asaj zonjës, që vjen vërdallë nëpër Republikën e Shqipërisë. Ajo zonja fallxhore, që i thotë Kryeministri. Nuk është skandal të mos votosh Edi Ramën? Ua them si vëllezër me ndërgjegjen më të madhe”, është shprehur banori i Funarit në takim me Ballën./Opinion.al
