Një 34-vjeçar nga Elbasani, është vënë në pranga, pasi tentoi të vriste fqinjin e tij, duke e goditur me automjet dhe me levë.
Policia bën me dije se ngjarja ka ndodhur për shkak të një konflikti për motive pronësie.
34-vjeçari G. M. u kap në PKK Kapshticë, në tentativë për t’u larguar nga vendi.
Nga veprimet e para hetimore, dyshohet se ditën e djeshme, për shkak të një konflikti për motive pronësie, shtetasi G. M. ka goditur me automjet dhe me levë metalike, fqinjin e tij, shtetasin H. M., 57 vjeç, banues në fshatin Shushicë, Elbasan, i cili lëvizte me biçikletë. 57-vjeçari ndodhet në spital, në kujdesin e mjekëve.
Në cilësinë e provës materiale u sekuestruan mjeti i fortë (levë metalike) dhe automjeti që dyshohet se janë përdorur nga shtetasi G. M.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprën penale “Vrasja”, mbetur në tentativë./Opinion.al
