Një 36-vjeçar është arrestuar nga Policia e Elbasanit, pasi tregtonte në mënyrë të kundërligjshme material fasonerie të firmës ku ishte administrator.
Sipas uniformave blu, 36-vjeçari me inicialet F.T ka shkaktuar dëm ekonomik me vlerë 24 000 euro në biznesin ku punonte.
“F. T., 36 vjeç, banues në Elbasan, për veprën penale “Tregtimi dhe transportimi i mallrave që janë kontrabandë”, pasi nga veprimet hetimore të realizuara në administrim të kallëzimit të administratores tjetër të së njëjtës firmë, ka rezultuar se 36-vjeçari ka shitur në mënyrë të kundërligjshme, materiale fasonerie me vlerë 24 000 euro, në pronësi të aktivitetit tregtar që administrohej nga ky shtetas. Mallrat e shitur në mënyrë të kundërligjshme ishin nën regjim të përkohshëm nga autoritetet doganore shqiptare dhe të destinuara për t’u shitur në tregun italian”, njofton policia.
Sakaq, materialet procedurale i kaluan Prokurorisë pranë Gjykatës së Shkallës së Parë Elbasan, për veprime të mëtejshme./Opinion.al
