‘El Clasico’ e kësaj nate ishte e shumëpritur pasi si rrallë herë, Barcelona dhe Reali i Madridit janë me pikë të barabarta dhe në krye të klasifikimit të La Ligas.
Por të dyja skuadrat nuk shkuan dot më shumë se një barazim pa gola.
Megjithëse të dyja skuadrat kanë sulme të frikshme, ata nuk arritën të shfaqeshin të saktë përpara porte, duke mos arritur të dërgonin topin në rrjetë.
Barcelona ishte favorite në letër por madrilenët balancuan gjithçka në fushë me një formacion me 4 mesfushorë, ku Casemiro dhe Valverde luajtën bashkë me Kroos në mesfushë. Ajo që ra në sy ishte se Isco dhe Bale u panë shumë në mbrojtje për të parandaluar çdo të papritur të mundshme të Messit.
Pjesa e parë u dominua më shumë nga Reali i Madridit, por Benzema nuk arriti të gjente rrugën e rrjetës. Në pjesën e dytë Katalanasit balancuan lojën, megjithatë portat mbetën të paprekura.
Me këtë barazim, Barça dhe Real vazhdojnë të mbajnë së bashku kryesimin e kampionatit me pikë të barabarta. /Opinion.al
