El Universal, një nga gazetat më të mëdha në Meksikë ka publikuar online një video të xhiruar në vendet e vjetra ku dikur fshihej Joaquín “El Chapo” Guzmán Loera, një prej narkotrafinaktëve më të mëdhenj të botës, i arrestuar më 8 Janar.
Një nga gjërat më të veçanta të videos, e theksuar edhe nga El Universal, është se në shtratin e dhomës ku fshihej El Chapo gjendet një kopje e librit “Zero Zero Zero”, të shkrimtarit italian Roberto Saviano, në të cilin flitet pikërisht për Meskikën dhe trafikun e drogës. Kopja e librit mendohet se është ajo e botimit britanik të shtëpisë botuese Penguin, ndërsa videoja mendohet se është xhiruar më 6 tetor, gjatë tentativës së kapjes së El Chapos në kompleksin meksikan Sierra Madre Oçidental.
