Arrestohet në Greqi vrasësi i dyshuar i Gentian Beqirit dhe babait të tij në Elbasan në gusht të vitit 2012.
Policia bën me dije se në pranga ra një shtetas shqiptar me 4 emra, “Jorgo Leku alias Olsi Leka alias Giorgo Lekou alias Jorgo Lekou, 41 vjeç, lindur në Elbasan dhe banues në Gjirokastër”.
“Ky shtetas ishte shpallur në kërkim ndërkombëtar, pasi Gjykata e Shkallës së Parë Elbasan, më datë 12.06.2020 i ka caktuar masën e sigurisë “Arrest në burg”, për kryerjen e veprave penale “Vrasja në rrethana të tjera cilësuese kundër dy ose më shumë personave” e kryer në bashkëpunim dhe “Armëmbajtja pa leje””, njofton policia.
Lidhur me vrasjen e Gentian Beqirit dhe babait të tij më parë është arrestuar Etien Cani në Itali.
Gentian Beqiri dyshohej se është një nga personat që mori pjesë në ekzekutimin e Sokol Çapes në vitin 2005 në Elbasan. /Opinion.al
