Patrick Crusius, vrasësi i cili ekzekutoi me armë zjarri 20 persona në El Paso, nuk ka treguar asnjë shenjë pendese për ngjarjen gjatë kohës që është marrë në pyetje nga autoritetet.
Në bazë të ligjit, 21-vjeçari rrezikon të dënohet me vdekje. Ndërkohë, drejtori i FBI, Chris Ëray ka urdhëruar një operacion në të gjithë territorin për të zhdukur në këtë mënyrë kërcënimet e reja për atentate pas masakrës së Texas dhe Ohio.
Shumica e viktimave në El Paso ishin me origjinë meksikane, gjë e cila ka rritur edhe më tepër tensionet mes SHBA dhe Meksikës. Kjo e fundit ka kërcënuar aksione ligjore kundër SHBA, duke hedhur akuza ndaj administratës Trump.
Ministri i Jashtë i Meksikës e ka cilësuar si sulm terrorist kundër meksikanëve të pafajshëm.
“Presidenti më kërkoi të siguroj që indinjata e Meksikës të përkthehet në aksione efikase të shpejta për të siguruar mbrojtjen e qytetarëve meksikanë në Shtete Bashkuara të Amerikës”-ka thënë Ebrard./ Opinion.al E.Xh.
