Një ngjarje e rëndë ka ndodhur mbrëmjen e djeshme në Itali, ku dy shqiptarë kanë mbetur të vdekur nga një atentat me armë zjarri në Canegrate.
Dy shqiptarët, ndoshta vëllezër, janë vrarë në rrugën Ancona, në periferi të qytetit, në lagjen Valverde.
Hipoteza më e mundshme e sulmit ndaj shqiptarëve është ajo e konfliktit për tregtinë e drogës.
Në orën 23:00 policia u njoftua nga një telefonatë për një ngjarje që dukej si aksident, por rezultoi ndryshe.
Kur mbërriti policia panë se dy trupat në makinë ishin mbushur me plumba. Ata duket se kanë tentuar të shpëtojnë, por nuk ia kanë dalë dot dhe kanë vdekur nga breshëria.
Policia po heton lidhur me ngjarjen, identitetin e viktimave dhe gjetjen e autorëve.
