2 shqiptar janë vrarë në Shkup nga 5 persona të maskuar të cilët kanë shtënë me armë zjarri mbi ta.
Policia e Shkupit bën me dije se ngjarja ka ndodhur mbrëmjen e djeshme rreth orës 20:00, kur 5 personat e maskuar kanë shtënë me armë drejt dy shtetave Jeton Krivanjeva dhe Enis Iseni, të cilët kanë ndërruar jetë në vendngjarje.
Mësohet se i plagosur ka mbetur shtetasi me inicialet A.T. 34 vjeç, i cili është dërguar në Spitalin e Qytetit, në gjendje të rëndë.
Një makinë e djegur është gjetur rreth orës 20:30 e cila dyshohet që lidhet me ngjarjen.
Policia dhe prokuroria po punon për zbardhjen e ngjarjes.“Më 06.03.2023 në ora 20:11 minuta në SPB-Shkup është denoncuar se në një objekt hotelierik në rrugën Samoilova” në Shkup 5 persona të veshur me të zeza dhe me maska në kokë kanë shtënë me armë zjarri drejt personave J.K. 37 vjeç dhe E.I. 28 vjeç të cilët kanë ndërruar jetë në vendngjarje, derisa personi i plagosur A.T. 34 vjeç është dërguar në Spitalin e Qytetit për kurim dhe pas sanimit të plagëve është lëshuar në kurim shtëpiak. Për rastin menjëherë është njoftuar edhe prokurori publik i cili ka dalë në vendngjarje dhe me urdhër të të cilit trupat janë dërguar në autopsi. Rreth orës 20:30 në rrugën drejtë Orizares së Epërme është djegur një makinë “Audi A6”. Me urdhër të prokurorit publik janë marr në bisedë informative më shumë persona dhe po ndërmerren masa adekuate për zbardhjen e vrasjes”, thuhet në njoftimin e policisë./Opinion.al
