Një javë pas ekzekutimit mafioz të Nelgert Patës në Fier, prokuroria dhe policia kanë rënë në gjurmët e autorëve. “Nga veprimet hetimore të kryera dhe nga dëshmitë e marra, hetuesit kanë rënë në gjurmë të autorëve të mundshëm që ekzekutuan Nelgert Patën, rreth orës 13:50 të të dielës së 19 qershorit në fshatin Zhupan të Fierit”, raporton Tv Klan.
Sipas hetuesve janë dy pista, ajo e hakmarrjes për vrasjen e Elton Çiçës por përplasjet për linjat e trafikut të drogës. “Vrasja mund të ketë një motiv të dyfishtë që sipas tyre mund të jetë e ndërlidhur me hakmarrjen për vrasjen e Çiçës, por edhe me eliminimin e një rivali të direkt në linjat e trafikut të narkotikëve brenda apo edhe jashtë vendit”, thanë burimet për Tv Klan.
Miku i tij, Ari Alinani, i cili mbeti i plagosur në të njëjtin atentat, nuk ka bashkëpunuar shumë me policinë e madje dyshohet se edhe fsheh të vërtetën. Për këtë shkak ai edhe është arrestuar nga policia me akuzën e kryerjes së veprimeve që pengojnë zbardhjen e të vërtetës. Pata u qëllua me breshëri kallashnikovi, pak momente pasi kishte dalë nga një hotel në qytetin në rrugën Seman- Fier, ndërsa udhëtonte si pasagjer në një automjet Volksëagen që drejtohej nga Ari Alinani. Autorët u larguan me një veturë “Mercedez- Benz”, të cilin e dogjën në fshatin Zhupan të Fierit.
