Një ditë pas ekzekutimit të 50-vjeçarit Ardian Nikulaj në Shëngjin policia ka bllokuar një motor që dyshohet të jetë i autorit.
Raportohet se mjeti ka targa të ndryshuara, megjithatë ai mësohet se është i ngjashëm me motorin e vrasësit.
Biznesmeni 50-vjeçar Ardian Nikulaj u qëllua për vdekje një ditë më parë në lokalin e tij, nga një person ende i paidentifikuar. Autori lëvizte me motoçikletë me targa të huaja, ndërsa mbante kokore, maskë Covid e jelek fosforeshent.
I kamufluar si “korrier”, autori hyri në ambientet e lokalit të Nikulajt dhe e qëlloi shtatë herë me pistoletë. Si pasojë e të shtënave humbi jetën biznesmeni 52-vjeçar, ndërkaq hetimet janë shtrirë në disa pista, por më kryesorja është ajo e hakmarrjes.
Policia e Lezhës ka nisur verifikimet intenisve, por deri tani nuk ka ende prova bindëse që do të çojnë deri në gjurmët e ekzekutorit të Nikulajt.
