Një ngjarje e rëndë ndodhi mesnatën e djeshme në Kosovë ku mbeti i vrarë një 39-vjeçar dhe u plagosën tre të tjerë.
Mediat në Kosovë kanë publikuar pamje në të cilat shihen momentet pas të shtënave me armë në lokalin ku ndodhi edhe përplasja.
Në video dëgjohen të qara dhe ulërima të personave që ishin present në local si dhe shihen qytetarët të frikësuar dhe të tronditur nga ngjarja e ndodhur.
Kujtomë se policia bëri me dije se ngjarja ndodhi në fshatin Runik të Skenderajt rreth orës 01:21 pas mesnate.
Viktimë e të shtënave mbeti 39-vjeçari N.L., ndërsa tre të plagosurit janë dërguar për trajtim në spital.
Nga hetimet e para dhe këqyrja e vendit të ngjarjes, dyshohet se dy persona të dyshuar e të maskuar kanë hyrë brenda në kafiteri kanë shtënë me armë dhe janë larguar në drejtim të panjohur. Në cilësi të provave materiale në vendin e ngjarjes janë gjetur dhe konfiskuar disa gëzhoja.
