Detaje të reja kanë dalë nga vrasja e 65-vjeçarit Lek Lekgjonaj në Lezhë. Sipas Klan news ai po bënte punime në shtëpinë e tij, kur u vra me armë zjarri mesditën e kësaj të hëne në fshatin Manati të Lezhës. Autor i kësaj ngjarjeje të rëndë është 17-vjeçari Florian Pervathi. Mësohet se adoleshenti kreu vrasjen pasi në vitin 2009, vëllai i viktimës i kishte vrarë babain 17-vjeçarit.
Menjëherë pasi e qëlloi 65-vjeçarin me pistoletë, adoleshenti u vetëdorëzua në polici. Dy familjet e kishin pushuar si çështje mes tyre, por duket se djali i viktimës nuk e kishte harruar.
Familjet mësohet se kishin qenë dikur fqinj me njëri-tjetrin, por pas ngjarjes së vitit 2009, Lek Lekgjonaj ishte zhvendosur me banesë. Këtë të hënë ai mësohet se kishte shkuar pikërisht tek shtëpia e vjetër, ku po merrej me punë.
Ngjarja ndodhi rreth orës 12:00, ndërsa policia sekuestroi dhe armën e zjarrit tip pistoletë me të cilën dyshohet se 17-vjeçari kreu krimin./Opinion.al
