Dy persona kanë humbur jetën dhe 11 të tjerë mbetën të plagosur gjatë një përplasje mes bandave në burgun e Ekuadorit. Ndërkohë, dhjetëra të burgosur të tjerë tentuan të arratiseshin nga qelia.
Forcat e ushtrisë arritën të marrin nën kontroll situatën në burgun Litoral në Guayaquil. “Të burgosurit dolën në tarracat e burgut dhe qëlluan me armë në drejtim të një bande rivale”, tha një drejtori i policisë në Ekuador. Ndërkohë, drejtori i burgjeve konfirmoi se të paktën 7 persona mbetën të plagosur gjatë tentativës për t’u arratisur nga burgu.
Banorët pranë burgut thanë për mediat lokale që kishin dëgjuar të shtënat rreth orës 22:00 të mbrëmjes së të hënës, të cilat zgjatën deri në orët e para të së martës. Me dhjetëra ushtarë janë vendosur tashmë për të mbajtur nën kontroll të burgosurit./ Opinion.al
