“Nuk mund të përballet ende me të vërtetën e tmerrshme dhe përmasat e tragjedisë që ka goditur vatrën e saj. Nëna e Konstandinos Kaçifas, minoritarit që mbeti i vdekur dje nga plumbat e forcave RENEA nuk ka më fjalë”.
Kështu shkruan sot, media greke “Protothema” lidhur me vrasjen e një 35-vjeçari nga miniroteti grek dje në Bularat të Gjirokastrës, në përballje me policinë shqiptare.
“Në një gjendje të tronditur për vdekjen e djalit saj, nëna doli në lidhje telefonike për emisionin “Kalimera Elada”.
“Pse duhej ta vrisnin djalin tim? Ai ishte aq i gëzuar që të dekoronte fshatin më 28 tetor për të nderuar heronjtë. Shqiptarët nuk i duan minoritarët”, përsëriti nëna ndërsa vajtonte për të birin.
“Nuk e dua më jetën pa fëmijën tim, pa shpirtin tim”, tha gruaja duke qarë teksa mbylli linjën telefonike, pa mundur të vazhdonte më.
