Ekstradohet nga Holanda 33-vjeçari Fatmir Pjetri. Ai duhet të vuajë dënimin me 30 vjet burg, si pjesëtar i një grupi të strukturuar kriminal në fushën e vjedhjes me armë.
Gjykata e Shkallës së Parë për Krimet e Rënda Tiranë në vitin 2018 e ka dënuar me 30 vjet burg për veprat penale: “Vjedhja me armë e kryer në bashkëpunim”, “Grupi i strukturuar kriminal” dhe “Kryerja e veprave penale nga organizata kriminale dhe “Grupi i strukturuar kriminal”.
Pjetri ka qenë pjesë e një grupi kriminal (Babagjyshët) që gjatë periudhës Janar-Dhjetor të vitit 2013 dhe në vazhdim, në qytetet e Tiranës, Laçit, Fushë-Krujës, Kuçovës dhe Durrësit kanë grabitur me armë disa argjendari në këto qytete.
Disa grabitjet: Në datë 28.09.2013 është vjedhur me armë argjendaria e shtetasit A. B., në Kuçovë; Në datë 05.11.2013 është vjedhur me armë argjendaria e shtetasit S. R., në Laç; Në datë 25.11.2013 është vjedhur me armë argjendaria e shtetasit P. B., në Fushë-Krujë; Në datë 24.12.2013 është vjedhur me armë argjendaria në një qendër tregtare në Tiranë./ Opinion.al
