Interpol Tirana ka ekstraduar drejt Italisë një shqiptar të kërkuar nga drejtësia italiane. Gjatë ditës së sotme nga specialistët e Interpol Tirana u bë ekstradimi në dalje i shqiptarit i shpallur në kërkim ndërkombëtar: Sokol Marica (Çorogjafi), 31 vjeç , lindur dhe banues në Berat.
Ky person ishte në kërkim ndërkombëtar pasi Autoritetet Gjyqësore Italiane kanë lëshuar vendimin me nr. 1369/2014 RG. Nr. 695/2014 RG GIP, datë 05.04.2014 , për kryerjen e veprës penale “vrasje e mbetur në tentativë”. Maksimumi i dënimit është 20 vjet.
Ndalimi i tij u bë me qëllim ekstradimi drejt Italisë. Sokol Çorogjafi (Marica) iu dorëzua për transferim oficerëve të eskortës së Interpol Roma.
