Interpol Tirana ka ekstraduar nga Gjermania dhe Italia dy persona të kërkuar nga drejtësia shqiptare për vepra të ndryshme penale. Njëri për mashtrim me 230 mijë euro dhe tjetri pasi ka shfrytëzuar për prostitucion një minorene.
Policia njofton se u bë ekstradimi nga Gjermania drejt Shqipërisë, i 54-vjeçarit Ilir Demolli, i cili është arrestuar në Mynih me qëllim ekstradimin drejt Shqipërisë. Ai është dënuar me 7 vjet burg, për veprën penale “Mashtrimi” pasi në vitin 2012, kishte marrë një shumë prej 230 000 eurosh, duke u prezantuar si drejtor i një banke private.
Nga kjo shumë Demolli i ka kthyer të dëmtuarës vetëm 25.000 euro.
Gjithashtu u bë ekstradimi nga Roma i një 27-vjeçari shqiptar pasi ka trafikuar dhe shfrytëzuar për prostitucion, në Itali, në periudhën 2012-2013, një shtetase, e cila në atë kohë ishte minorene./Opinion.al
