Bledar Qemalaj, u esktradua ditën e sotme nga Hollanda pas një urdhërarresti të lëshuar nga Interpol Tirana.
39 vjeçari ishte i dënuar në Shqipëri me 23 vite burg për vrasje si edhe 8 vite për trafikim të lëndëve narkotike.
Qemalaj është i njohur si bashkëpunëtor i Emiljano Shullazit.
Ai akuzohej nga Krimet e Rënda si pjesëtar i një linje heroine që niste nga Turqia për në destinacion Italinë.
Për këtë arsye ishte në hetim nga policia në kuadër të operacionit të koduar “Identikit”
Mes të dënuarve të këtij operacioni, sipas dosjes penale, ka qenë edhe shtetasi Emiljano Shullazi.
Si edhe Ervin Ferhati, Erges Ymeraj, Erjon Gogaj, Selfo Driza, Lutfi Shabani etj, të cilët kishin trafikuar nga Turqia në Shqipëri dhe më pas në Itali rreth 55 kg heroinë e 100 kg përzierë.
Sipas dosjes Qemalaj nga Fieri i cili lëvizte me identitet të ndryshuar.
Ai kishte trafikuar në bashkëpunim një sasi prej 20 kg heroinë, nga Turqia në Shqipëri dhe më pas në Itali.
I gjithë ky operacion ishte bërë nëpërmjet korrierëve shqiptarë të cilët janë arrestuar në shtetin fqinj.
Një nga akuzat më të forta që rëndon ndaj Qemalaj është vrasja e shtetasit Edmond Vruho në vitin 2009.
Sipas akuzës, viktima Edmond Vruho, në vitin 2000 ka vrarë vëllain e të pandehurit Qemalaj në Fier.
Ndërkohë, vetë Bledar Qemalaj kishte kohë që e ndiqte gjakësin e tij.
Si i pandehuri dhe viktima ishin banorë të Fierit. Ndërkohë që autori arriti të zbulojë vendndodhjen e Vuhos në Tiranë dhe ta vrasë atë.
