Makina e parkuar një shqiptari ka shpërthyer gjatë natës së shkuar në Berlin.
Ngjarja ka ndodhur në parkingun e një dyqani në Wilhelmstadt. Ishin banorët ata që raportuan shpërthimin e fortë mbrëmjen e së enjtes.
Rrethanat janë ende të paqarta, ndërsa nuk ka të lënduar. Një zëdhënëse e policisë tha se hetimet janë duke u zhvilluar në të gjitha drejtimet.
Makina është e regjistruar me targa gjermane në pronësi të një shtetasi shqiptar, shkruajnë mediat vendase ndërsa nuk dihen shkaqet.
Nuk ka gjasa të ketë defekt teknik, tha zëdhënësja e policisë.
