Një propagandiste ruse i ka kërkuar presidentit Vladimir Putin që të shkaktojë shkatërrim në Britani me anë të një sulmi bërthamor.
“Mirror” shkruan se ekspertja ushtarake kryesore e televizionit rus e njohur ndryshe si “Kukulla e hekurt” e Putinit pohoi dje se Kremlini duhet të kishte bombarduar Britaninë e Madhe, gjatë funeralit shtetëror të Mbretëreshës Elizabeth II.
“Duhej ta kishte bërë” të hënën, ditën e ceremonisë së lamtumirës së Mbretëreshës Elizabeth. Të gjithë personalitetet e rëndësishëm ishin aty në funeralin… Zoti më faltë,” tha Olga Skabeyeva.
Të pranishëm në funeral ishin të gjithë liderët kryesorë perëndimorë, përfshirë presidentin e SHBA Joe Biden, presidentin francez Emmanuel Macron dhe presidentin kanadez Justin Trudeau.
Ky pohim vjen si kërcënimi më i fundit nga kanalet shtetërore të Putinit, në mes të pengesave të vazhdueshme që po hasin forcat e tij të armatosura në Ukrainë.
Moska gjithashtu ka fajësuar Britaninë për nxitjen e veprimeve kundër Kremlinit. Komandanti ushtarak dhe anëtari i Dumës së Shtetit, Andrey Gurulev, 54 vjeç, tha se kërcënimet perëndimore ndaj referendumeve të planifikuara për bashkimin me Rusinë në zonat e pushtuara të Ukrainës duhet të shihen si një vijë e kuqe.
Gjenerali, i cili është anëtar i komitetit të mbrojtjes të parlamentit rus, tha në TV: Nëse ekziston një kërcënim real për territorin rus, ne kemi plotësisht të drejtë të përdorim armë bërthamore./Opinion.al
