Julian Assange ka shenja se i është nënshtruar “torturës psikologjike”, ka thënë eksperti i torturës i OKB-së, Nils Melzer. Ai i kërkoi Britanisë të mos ekstradojë themeluesin e Wikileaks, duke paralajmëruar se të drejtat e tij do të shkelen dhe se ai nuk është i aftë për t’u gjykuar.
Ai gjithashtu akuzoi “disa shtete demokratike” për një “përpjekje të përbashkët për të ndryshuar vullnetin e Assange”.
Qeveria e Britanisë së Madhe tha se “nuk ishte dakord me një numër të vëzhgimeve të tij”.
Një zëdhënës i ministrisë së drejtësisë tha se Britania e Madhe nuk mori pjesë në tortura. Gjykatësit ishin të pavarur nga qeveria dhe të gjithë të dënuarit kishin të drejtën e apelimit, shtoi zëdhënësi.
Assange, 47 vjeç, po lufton kundër ekstradimit në SHBA lidhur me akuzat për nxjerrjen e sekreteve shtetërore.
Ai kërkoi azil politik në ambasadën e Ekuadorit në Londër në vitin 2012, ku qëndroi deri në arrestimin e tij më parë këtë vit.
Melzer, i cili u takua me Assange më parë në maj, i tha Ëashington Post se fillimisht nuk ishte i gatshëm të përfshihej në këtë rast, pasi ai nuk është një mbështetës i Wikileaks dhe konsideron themeluesin e saj të jetë një aktor të keq. /Opinion.al
