Kampionati Botëror ‘Rusi 2018’ rrezikohet nga trukimet, kanë paralajmëruar ekspertët ndërkombëtar pak muaj përpara fillimit të Botërorit.
Shefi i departamentit të integritetit në kompaninë ‘Perform’, Xhejk Marsh ka thënë se fakti që gjithçka është e mbikqyrur nga të gjitha anët, nuk i përjashtojnë turkimet.
“Ne kemi prova se ka pasur ndeshje të kualifikueseve të trukuara. Ndaj pse të mos e bëjnë provë që të manipulojnë edhe aktivitetin? Ne kemi dyshime për një miqësore mes dy Kombëtareve në vitin e kaluar, ku njëra nuk kishte para as për të paguar hotelin, ndërsa është pjesë e Botërorit” ka thënë Marsh.
Por ndërkohë edhe drejtori i kompanisë që menaxhon lotarinë franceze, Zhill Mallet ka thënë: “Me qarkullimin e madh të parave në evenimente të tilla, është më vështirë të dallosh manipulimin, i cili mund të fshihet pas shumave të mëdha që vihen bast”.
Tashmë kompani të ndryshme monitorimi janë bashkuar për të shikuar skuadrat që cilësohen me rrezikshmëri të lartë dhe këto mbledhje do të zhvillohen çdo 2-3 ditë, në mënyrë që të bëhet asnjë trukim gjatë Botërorit.
