-U tha në Opinion

Eksodi 1991/Ambasadori italian: Shqipëria për ne ishte e panjohur


Bëhu pjesë e Grupit Zyrtar të Opinion.al
>> KËTU <<
               Publikuar në : 23:23 - 10/03/21 |
el ida

Ndërsa janë mbushur 30 vite nga momenti i eksodit masiv të shqiptarëve drejt Italisë, imazhet e asaj periudhe kanë mbetur ende të gjalla në kujtesën e personave që i jetuan.

Në një intervistë në emisionin “Opinion”, Ambasadori Italian në Tiranë Fabrizio  Bucci, tha se ky fenomen i habiti italianët në atë kohë.

“Neve na bëri shumë përshtypje sepse Italia ka qenë gjithmonë, historikisht, një vend emigrantësh. Italianët, gjatë historisë së tyre, kanë emigruar në Shtetet e Bashkuara, në Gjermani, në Argjentinë”, tha Ambasadori në intervistën me gazetarin Blendi Fevziu.

Ndër të tjera, Ambasadori u shpreh se shqiptarët tashmë janë krejtësisht të integruar në jetën italiane, ndërsa pohoi se sipas të dhënave të fundit, numri i sipërmarrjeve në pronësi të shtetasve shqiptarë në Itali është më i madh se 49 mijë.

Pjesë nga intervista

Bucci: Unë kujtoj … ndiqja studimet universitare dhe kujtoj atë verë…por kujtoj edhe në mars ato zbritje nga anijet dhe më bëri shumë përshtypje të shikoja këta njerëz që vinin tek ne.

Fevziu: A arrinte dot Italia të kuptonte çfarë po ndodhte në Shqipëri…çfarë ishin këto pamje nga portet italiane?

B: Ne si italianë u habitëm, le të themi nga shumë pikëpamje,…ndërkohë…të shihje gjithë ata njerëz të cilit vinin të gjithë bashkë tek ne, në mënyrë të papritur, me këto anije…nga një vend, i cili ndodhej kaq afër, si Shqipëria, që për ne, deri në ato momente ishte një vend shumë i panjohur sepse ishte një vend i mbyllur, nuk mund të dilje prej tij, nuk mund të shkoje në të, ishte shumë e vështirë të hyje në të, ishte, pra, pak Koreja e Veriut…

F: Nuk flitej shumë …

B: Nuk flitej shumë për Shqipërinë…pastaj, me rënien e regjimit komunist, në vitin 1990-91, këto ndryshime, hapja e kufijve e, më pas, papritur, të gjithë këta njerëz që vinin tek ne…por tek ne ndikoi edhe një tjetër arsye …

F: Ja kjo pamje është e pabesueshme…pamje shprese…

B: Është një pamje e fortë shprese sepse buzëqeshin…

F: Po, buzëqeshin…janë shumë të kënaqur që kanë mbërritur në bregun përballë…

B: Po, po, neve na bëri shumë përshtypje sepse Italia ka qenë gjithmonë, historikisht, një vend emigrantësh. Italianët, gjatë historisë së tyre, kanë emigruar në Shtetet e Bashkuara, në Gjermani, në Argjentinë…dhe, pra, për herë të parë italianët panë që tashmë të tjerët po vinin tek ne, emigrantë vinin tek ne… ja, pra, kjo qe gjëja e parë e habitshme …

F: Kaq të shumtë…

B: Kaq të shumtë…dhe reagimi qe kaq i jashtëzakonshëm, nga një pikëpamje njerëzore, ngrohtësie, sepse tek këta emigrantë shqiptarë pamë veten tonë deri pak vite më parë, deri pak dekada më parë ishim ne…

F: Fati që kishin pasur italianët…

B: Saktë…prandaj edhe hapëm dyert…

F: Gjëja më interesante tani, Ambasador, është se tridhjetë vite më pas, pjesa më e madhe e atyre njerëzve, janë integruar tashmë në Itali por edhe në vendet e tjera evropiane ku kanë shkuar, por, veçanërisht në Itali. Sa i madh është komuniteti shqiptar në Itali?

B: Atëherë…shumë nga këta shqiptarë…janë integruar në Itali, kanë gjetur shtëpi, kanë gjetur një punë, kanë mësuar gjuhën italiane dhe duhet të them se janë të shumta, të shumta, historitë e suksesit, por edhe e jotja, në mënyrë të veçantë, është një histori suksesi. Aktualisht, në Itali, ndodhen rreth…numrin e saktë nuk e di askush… por, ligjërisht, aktualisht, në Itali jetojnë rreth 700 mijë shqiptarë.

F: Italia zë vendin e parë ndër vendet e huaja në të cilin jetojnë më shumë shqiptarë…

B: Po…është vendi në të cilin rreth 450 mijë shqiptarë janë të pajisur me leje qëndrimi, ndërsa të tjerët kanë shtetësi të dyfishtë, italiane dhe shqiptare…

F: Kanë shtetësi të dyfishtë, italiane dhe shqiptare…

B: Sepse ligji ynë lejon mbajtjen e dyshtetësisë, italiane dhe shqiptare…

F: Dhe janë të integruar mirë…

B: Dhe janë absolutisht të integruar, pak a shumë në çdo sektor…kam lexuar, vetëm pak ditë më parë, të dhënat e fundit të Fondacionit Leone Moressa…

F: Po…

B: Që studion kontributin e emigrantëve në ekonominë italiane..

F: Italiane…

B: Sipas të dhënave të fundit, numri i sipërmarrjeve në pronësi të shtetasve shqiptarë në Itali është më i madh se 49 mijë…

F: 49 mijë sipërmarrje me pronar shqiptar…

B: Duke përfshirë edhe personat fizikë, janë saktësisht 49 mijë e 700… dhe ajo çka është e rëndësishme është se gjatë vitit 2020, pra, në kulmin e pandemisë COVID…

F: Po…

B: Ky numër, krahasuar me vitin e mëparshëm, është rritur me 6%…

F: …Është rritur…

B: me 6% përgjatë vitit 2020, në kohën e COVID…dhe nga viti 2011 e deri më sot, pra, në më pak se 10 vite, numri i tyre është rritur me 35%…

 

Pas