“Megapharma”, eshte kompania qe qëndron në krye të listës, për nga shuma e parave të tenderave të fituar, në një vlerë prej 163.635.595 lekë. Kjo kompani, në vitin 2014, ka arritur të marrë rreth 14% të vlerës së gjithë tenderave të dhënë nga Ministria e Shëndetësisë për blerje barnash, ndërkohë që në vitin 2015 vlera është rritur në 25 %. Vihet re se në listë qëndrojnë 35 kompani, një pjesë e mirë e të cilave nuk arrijnë të kenë as 1% të tregut. Ndërsa “Megapharma” kryeson listën me 25% të tenderave të blerjes së barnave, në vendin e dytë qëndron “Rejsi Farma”, me një distancë të konsiderueshme nga kjo kompani, në 11%. Të tjerat vijojnë në vlera më të vogla me 1 shifër, ndërsa ka kompani që rezultojnë fituese në 0% të tenderave të Ministrisë. “Megapharma”, gjatë vitit 2015 është fituese e 26 tenderave të organizuara nga Ministria e Shëndetësisë për blerjen e medikamenteve.
