Rekordmeni botëror i mbajtjes së topit, profesor Agim Agushi nga Vitia e Kosovës, ka folur ekskluzivisht për Opinion.al mbi aksidentin e rëndë ku u përfshi mëngjesin e sotëm autobusi me të cilën ai dhe nxënës të shkollës ku jep mësim udhëtonte drejt Tetovës.
Duke folur për Opinion.al, Agushi thotë se ishte nisur bashkë me nxënësit për të thyer rekordin e tij të mbajtjes së topit duke ecur mbrapsht për afro katër kilometra. Ekzibicion që do kryhej në oborrin e Universitetit të Tetovës. Ku në orën 9.00 të mëngjesit autobusi me të cilin udhëtonte bashkë me 25 nxënës është përplasur me një kamion në afërsi të kufirit me Maqedoninë në Kodrat e Sharrit.
“Unë kam thyer këmbën e majtë, nxënësit nuk ka janë plagosur rëndë, vetëm disa lëndime të lehta kanë marrë nxënësit që ndodheshin në pjesën e parme të autobusit. Nuk kam lëndime të tjera.
Në orën 11 kam pas rekordin e botës. Aksidenti nodhi kur ishim në territorin e Kosoves, në pjesën nga kufiri i Tetovës, sepse rruga ka qënë e rrëshqitshme.” i pyetur mbi rekordin Agushi është përgjigjur se “Bëhet fjalë për rekordin ecje indietro të mbajtjes së topit me kokë, i cili organizohet nga Universiteti i Tetovës për nder të Festës së Flamurit.
“Sot do ecja për 4 km duke mbajtur topin. Për momentin jam në shtëpi, po marr trajtime mjekësore. Angazhimin e radhës e kam në 18 dhjetor, në Dubai, nuk e di për momentin nëse do të marr pjesë sepse do ushtrime përgatitje”, shprehet Agim Agushi.
Nga ky aksident vetë Agushi ka thyer këmbën ndërsa një pjesë e gjimnazistëve që kanë qenë në pjesën e përparme të autobusit janë lënduar./ Opinion.al
