Në Nion të Francës është hedhur sot shorti që do të përcaktojë ‘duelet’ e raundeve eleminatore për Ligën e Europës. Shqipëria ka tre skuadra që pretendojnë për një vend në fazën finale të kompeticionit të dytë më të rëndësishëm europian për klube.
Kukësi do të përballet me Debrecenin në ndeshjen e parë. Kjo nuk do të jetë një sfidë aspak e lehtë duke marrë parasysh se hungarezët kanë një traditë në këto kompeticione dhe më parë kanë eleminuar edhe Skënderbeun kur ishte kampion.
Nga ana tjetër shorti ka qenë më me fat për Teutën e cila do të përballet me ekipin letonez Ventspils. Këta të fundit edicionin e shkuar eleminuan Luftëtarin, por kjo përballje u dyshua nga UEFA për trukime.
Gjithashtu edhe për Laçin, sfida në letër pritet relativisht mesatare pasi ata do të luajnë kundër ekipit izraelit të Hapoel Beer Shevës. /Opinion.al
