Einxhel Shkira ka folur për raportin e saj me koleget e emisionit “E Diell” më Top Channel. E ftuar në emisionin “Thumb” ajo iu përgjigj shkoqur pyetjes së përse nuk shoqërohet me dy moderatoret e tjera të programit, Nevina Shtylla dhe Fjoralba Ponari.
Einxhel theksoi se kjo gjë nuk ka lidhje aspak me garën apo xhelozinë, as me pamjen por me faktin që at nuk përputhen.
“Në punë, asnjëherë nuk mund të përputhemi të gjithë me njëri-tjetrin. Nuk është absolutisht as çështje sfide, gare apo xhelozie. Unë e di shumë mirë sa e aftë jam, deri ku shkon kapaciteti im dhe ndaj nuk mund të kem xhelozi profesionale. Nga ana tjetër, për çështjen e pamjes, vajzat janë të gjitha shumë të bukura dhe unë asnjëherë s’kam pasur xhelozi për pamjen.”
Einxhel pohoi se ato janë tipe të ndryshme, dhe kanë ritme të ndryshme jete.
“Janë tipe të ndryshme, kanë ritëm të ndryshëm jete. Nëse pas programit mua më pëlqen të konsumoj një gotë verë, vetëm ata që e bëjnë këtë gjë rregullisht vinë dhe pinë gotë e verës. Ndoshta edhe një ditë Nevina do të dalë nga binarët si puna ime”.
Einxhel shtoi se gjatë karrierës femrat janë munduar ti bëjnë keq, teksa shtoi se ekziston një lloj dëshire që ajo mos të jetë gjëkundi.
“Mua më ndodh që në televizion të më bëjnë puçe dhe çuditërisht janë femra. Unë nuk jam as ajo femra që të marr të dashurin. Unë jam ekstrem feminist dhe kam dëshirën e madhe që edhe femrat e tjera të dalin mirë. Por ekziston një lloj dëshire që unë mos të jem më asgjëkundi”, tha Einxhel./E.M
