Kabineti qeveritar i Egjiptit ka aprovuar transferimin e dy ishujve në Detin e Kuq, Arabisë Saudite edhe pse kushtetuta nuk e lejon këtë.
Mësohet se dhurimi i dy ishujve vjen pas një ndihme që Arabia Saudite i ka bërë Egjiptit dhe zërat kritik, këtë fakt, e kanë quajtur shitje toke të shtetit.
Mediat egjiptiane kanë raportuar se Qeveria, e udhëhequr nga presidenti Abdel Fattah el-Sissi ka aprovuar projektligjin dhe pritet që të ratifikohet në parlament, pavarësisht që kjo bie ndesh me kushtetutën e vendit.
Qeveria ka këmbëngulur që ishujt i takonin Arabisë Saudite, deri para pak kohësh, kur këta ishuj u morën nën pronësinë e Egjiptit.
Nënshkrimi i marrëveshjes, shënon marrjen e vendimit më të rëndësishëm të presidentit të tanishëm egjiptian, që nga viti 2014, kur ai mori pushtetin.
