Zyrtarët egjiptianë janë 90 për qind të sigurt se kanë zbuluar një dhomë të fshehtë në varrin e faraonit Tutankhamun. Ministri egjiptian i Antikitetit, Mahmoud el Damanti në një konferencë për mediat këtë të shtunë shpjegoi se kërkimet e realizuara përmes gjeoradarëve dhe skanerëve në varrin e faraonit kanë treguar se pas mureve veriorë dhe lindorë gjendet një dhomë tjetër, e cila sipas egjiptologut britanik Nicholas Reeves besohet se është varri i mbretëreshës Nefertiti, që nuk është arritur të gjendet asnjëherë.
Reeves mbron teorinë se ‘faraoni Tutankhamun, i cili ndërroi jetë në moshën 19-vjeçare, 3000 vjet më parë është varrosur me nxitim në një varr që nuk ishte ndërtuar posaçërisht për të. Vendi i zgjedhur ishte pikërisht në ‘Luginën e mbretërve’, pranë varrit të që mendohet se mund të jetë e ëma e tij’.
