Policia e Shtetit ka reaguar lidhur me arrestimin e Florenc Bicerrit, efektiv i policisë rrugore në Tiranë, i cili u kap në Turqi me një sasi të madhe lënde narkotike.
Policia e Shtetit thotë se në bashkëpunim me homologët turq, në lidhje me një rast trafikimi të lëndëve narkotike, në të cilin janë të përfshirë 3 shtetas shqiptarë, njëri prej tyre punonjës policie, ka ngritur një grup të dedikuar hetimor, për hetimin e rastit.
Sqarojmë se punonjësi i Komisariatit të Policisë Rrugore Tiranë, shtetasi Florenc Bicerri, tashmë i arrestuar në Turqi, ka dalë nga Shqipëria, nëpërmjet Rinasit, më datë 05.10.2022.
Autoritetet turke kanë arrestuar edhe Kujtim Çelikun pasi u kapen me një sasi të konsiderueshme lëndësh narkotike. Në sajë të këtij operacioni në pranga ra gjithashtu edhe shtetasi tjetër shqiptar, i identifikuar si Adrian Qirici.
Për këtë punonjës policie, Drejtori i Përgjithshëm i Policisë së Shtetit ka urdhëruar përjashtimin e menjëhershëm dhe përgjithmonë, nga Policia e Shtetit.
