Pas deklaratës së Maja Kocijancic, zëdhënëses së Komisionit Europian që e quajti të padobishme djegien e mandateve nga opozita për integrimin europian të vendit, një tjetër deklratë jo mbështetëse vjen për vendimin e opozitës.
Reporteri për Shqipërinë, Eduard Kukan, tha për Abc News se nuk mendon se “bojkoti i ardhshëm i parlamentit është përgjigja e problemeve me të cilat përballet vendi”
Kukan tha se vendi ku opozita ka një rol të rëndësishëm është parlamenti.
Më tej reporteri për Shqipërinë shprehu shqetësimin e tij për përshkallëzimin e tensioneve politike, duke shtuar se “Shqipëria ka nevojë për dialog politik konstruktiv mes partive politike, ndryshe do të ishte e vështirë lëvizja drejt integrimit në Bashkimin Europian.”
Në lidhje me protestën e opozitës, Kukan tha se: “është e drejta e qytetarëve që të protestojnë dhe të tregojnë mosmarrëveshjet e tyre ndaj politikave të qeverisë. Por nuk pajtohet me dhunën dhe sulmet ndaj institucioneve shtetërore, që ndodhën gjatë protestës së 16 Shkurtit.”
