Deputeti i Partisë Socialiste Eduard Shalsi ka folur për herë të parë në media pasi u propozua nga Kryeministër si ministri i ri i Pushtetit Vendor, që do të zëvendësojë Bledi Çuçin.
I ftuar në studion e “Tonight Ilva Tare” në Ora News, ai tha se është hera e parë që ndodh në Shqipëri që ministra të suksesshëm lënë karrigen për të shkuar në funksione të tjera.
Shalsi: E vërteta është se ka një lëvizje me të cilën shqiptarët nuk janë mësuar. Tre muaj para zgjedhjeve, 4 ministra i lënë vendit 4 të tjerëve për t’u vendosur në shërbimeve në zgjedhjeve në qarqe. Kemi një lëvizje, e cila i jep mundësi 4 ministrave të drejtojnë full-time qarqet. Ajo që mua më rezulton si shqetësim i socialistëve, është vendosmëria dhe vijimi i proceseve transformuese që kemi marrë përsipër. Është një ngjarje me të cilët shqiptarët nuk janë mësuar. Janë mësuar me ministra të dështuar që qëndrojnë në karrige. Është hera e parë që një ministër i suksesshëm detyrohet të lërë karrigen për një funksion tjetër.
