Deputeti i Partisë Demokratike Edmond Spaho, është deputeti i radhës, i cili i bashkohet lëvizjes së ish-kryeministrit Sali Berisha për ndryshim të statutit të partisë, për lejimin e referendumit si dhe për hapjen e saj.
Në një postim në Facebook, Spaho është shprehur se:
“Hapja e Partisë, debati midis nesh, kolegjialiteti në vendimarrje dhe veçanërisht dëgjimi i antarësisë jane rruga e vetme për të dalë nga kriza dhe shpëtuar PD.
Janë këto arsyet që më shtyjnë të mbështes dhe marr pjesë në “Foltoren” e organizuar në qytete të ndryshme të vendit”.
Ndër të tjera Spaho shkruan në llogarinë e tij në Facebook se lëvizjen e “përkrah për idetë, frymën e lirisë”.
“Kemi nevoje për një platformë të mirëmenduar se si do ta mundim Edi Ramën në zgjedhje. Platforma nuk imponohet, ajo diskutohet me ata që do e zbatojnë dhe me pas miratohet në organet drejtuese të PD”, theksoi Spaho.
Kujtojmë se deri më tani janë parë në krahë të Berishës gjatë kohës që ai zhvillon “Foltoren” në qytete të ndryshme të vendit 8 deputetë. Ata janë Edi Paloka, Oerd Bylykbashi, Luan Baçi, Tritan Shehu, Isuf Çelaj, Bujar Leskaj, Flamur Noka dhe Edmond Spaho./Opinon.al
