Neë York Times ka përdorur faqen e parë për një editorial, ku bën thirrje për legjislacion më të ashpër për kontrollin e armëve në Shtetet e Bashkuara. Editoriali i sotëm bën thirrje për shpalljen e jashtëligjshme të armëve të përdorura në masakrën në Kaliforni, nga e cila u vranë 14 vetë.
Çifti bashkëshortor, Syed Farook dhe Tashfeen Malik, e kryen sulmin në vendin San Bernardino të Kalifornisë, me armët që i kishin blerë në mënyrë legale. “Llojet e caktuara të armëve, si armët luftarake të modifikuara lehtë, që u përdorën në Kaliforni, dhe llojet e caktuara të municionit, duhet të shpallen të jashtëligjshme”, thuhet në editorialin e botuar në këtë të përditshme.
