Hapja e takimi të djeshëm të Partisë Socialiste në Tepelenë u bë nga Golik Ali Jaupi. Ky i fundit njihet si personazhi që i ka thurur këngë Enver Hoxhës në kohën e komunizmit. Madje disa kohë më parë doli dhe një video e tij duke kënduar me kandidatin e Bashkisë së Tepelenës, Tërmet Peçi këngë për diktatorin Hoxha.
Mbrëmë Goliku përpara se ti këndonte Edi Ramës tha se ka ardhur koha ti këndojë komandantit të ri pasi i kishte kënduar të atij të vjetrit (Enver Hoxhës).
“Këndova atëherë përpara komandatit të asaj kohe (Enver Hoxhës), sot ka ardhur për këtë komandat këtu (Edi Ramën)”, tha Goliku
E vënë më shumë në trajtat e një poezie në formë bejteje ai i këndoi Ramës për gjithë madhështinë e tij si burrë shteti e që vetëm ai mund ta bëj Shqipërinë. Një detaj që bie në sy te vargjet e këngës është se Goliku i drejtohet me emrin Edvin Ramës, gjë që kryeministri se ka fort për zemër pasi në këtë mënyrë e ka thirrur vetëm kundërshtari i tij politik Sali Berisha.
Gjatë recitimit të vargjeve dhe deri në fund të saj i gjithë elektorati i mbledhur në miting e shoqëroi atë me duartrokitje dhe ovacione të forta. /Opinion.al
Kënga për Ramën
Mirë se erdhe Edi Rama
Ku nuk të ka shkuar fama
Në Amerikë të Obama
Ti je burrë që s’do reklama
Sot kjo kala me bedena, të thotë mirë se erdhe Tepelena.
Po të pyec popullsinë
Thonë të gjithë duam Edvinë
Ja e bënë ti Shqipërinë
Ja të tërë ramë në greminë
Je i madh je burrë shteti të njeh globi, gjithë mileti
Përkrah Gramozi, Tërmeti, ndriçohet si meteor deti
Ti e ke mendjen të artë, lum ne që të kemi fat
Më datën 30 qershor, do ti marrc frenat në dorë
Kryeministri madhor, rrofsh sa mali Tomor
Sot kala me bedena të thotë rroftë gjithë Tepelena
