Kryeministri Edi Rama në vijim të turit të tij elektoral nga qyteti i Peqinit nuk ka ngurruar pa thumbuar kryedemokratin Lulzim Basha. Ai është shprehur se Basha kur ishte kryebashkiak i Tiranës nuk bëri asgjë.
Ai kishte katër vjet që e kishte orën mbi kokë kur ishte kryetar bashkie dhe nuk e rregulloi. Sa erdhi Lali Eri rregulloi orën, se nga ora fillon gjithçka. Ora e Lulit është ora e partisë, ndërsa ora jonë është ora e Shqipërisë.
E thonë mirë disa demokratë ”Është gjithmonë mëngjes kur premton dhe është gjithmonë natë kur …”, tha Rama.
Rama thumbon PD nga Elbasani: Demokratët e arsyeshëm të shikojnë listat, Boçi si gramafon…
Edi Rama në një takim me qytetarët e Elbasanit është shprehur se demokratët e arsyeshëm duhet të mendohen para se të votojnë.
“Nuk kemi për ta bërë reformën në drejtës kaq ta bënit dhëmbin. E patë korrikun e kaluar kokën ulur poshtë dhe kartonin jeshil lart dhe e votuan.
Nga ana tjetër kështu thanë se nuk keni për ta bërë vetingun, por e patë mbas shumë e shume pune nga ana jonë ata erdhën dhe e votuan vetingun.
Na duhen dhe votat e të gjithë demokratëve të arsyeshëm. Të gjithë demokratët që dinë të bëjnë dallimin që shumë mirë mund ti kishim lënë në çader, të merrnim 100 e ca deputetë dhe të shikonin punën tonë.
Çdo demokrati të arsyeshëm u themi që të shikojnë listat. Kush është Boçi? Është si ato gramofonet e vjetër që as skuqet as zverdhet” tha Rama.
