Bashkëbisedimi i improvizuar në studion e “Zonë e Lirë”, sikur kryeministri Edi Rama po i kthente përgjigje të gjithë mesazheve të ardhura në sekretarinë telefonike, kryesisht personazhe të njohur të politikës dhe jo vetëm, mori një hapësirë të veçantë mbrëmjen e djeshme.
Mes shumë personazheve, kryeministri Rama gjeti rastin të ironizojë rivalët e tij politik, disa prej tyre ishin: Sali Berisha, Lulzim Basha, Ilir Meta dhe Monika Kryemadhi. Por nuk munguan as Saimir Tahiri apo kryebashkiaku Erion Veliaj.
Mirëpo, mesazhi i ardhur nga Lali Eri në sekretarinë e tij telefonike, nuk mund të kalonte pa një thumbim të lehtë nga kryeministri.
Rama theksoi se autobusi elektrik ishte një ide e mirë, por kryebashkiaku të mos dalë në media sikur është në Tiranë, gjatë kohës kur është jashtë shtetit.
“Lali Eri jam beniamini yt i vetëm tashmë, të lutëm mos u trishto shef për Sajmen se t’i mbuloj unë shpenzimet me Tiranën tonë.”
Rama: Më pëlqeu ajo puna e autobusit elektrik, por mos dil në media sikur je këtu kur je jashtë shtetit.
