Duket se Rama nuk ndalet kur vjen puna tek disa gjëra që janë të njohura si të paraardhesit e tij, ish kryeministrit Sali Berisha, edhe pse kundërshtarë të betuar duket se ai nuk është se urren çdo gjë të Berishës, madje e kundërta.
Pasi për votimin e Metës si President në Kuvend, ku opozita mungonte, u ul pikërisht në karrigen e Berishës, gjatë kësaj fushate zgjedhore kreu i qeverisë Edi Rama u kërkoi një mandat të dytë shqiptarëve duke përdorur shenjën e dy gishtave që i përkiste edhe numrit dy në fletën e votimit, simbol prej njëzeteshtatë vitesh i Partisë Demokratike dhe i vet Berishës.
Por nuk është ndalur me kaq, Partia Socialiste ia ka dalë të sjellë në skenën e sheshit Skënderbej, edhe një tjetër simbol të mitingjeve të Partisë Demokratike, këngëtaren Çiljeta Xhilaga.
Po ashtu Çiljeta ka performuar edhe një natë më pare, në një koncert të jashtëzakonshëm me Noizy-n dhe të gjithë grupin OTR, por sot ajo vetë dhe Bashkia e Tiranës kanë lajmëruar se do të kthehet prapë, në koncertin e madh ku njerëzit janë ftuar në shesh nga PS për të festuar fitoren./Opinion.al
