Kryeministri Edi Rama thotë se do bëjë reforma të rëndësishme dhe me opozitën e re. Por i pyetur për cilësinë e kësaj opozite, Rama tha se për këtë llogari duhet ti kërkojnë Luzlim Bashës dhe Monika Kryemadhit.
“Nuk mendoj që Rudina Hajdari është karagjoze, nëse ka debat për nivelin e tyre që ka atje shkoni pyesin ata që i kanë futur në Parlament. Ata i ka futur Basha e Monika… Ata i kanë futur, ata ikën nga Parlamenti dhe nga lisat e tyre erdhën disa zonja dhe zotërinj. Ka njerëz më nivel dhe ndonjë që rrit audiencën e Opinionit për të krijuar ilariteti siç është kujtim Gjuzi. Listën e solli Lulzim Basha, nuk ka lidhje kjo me ne”, tha Rama.
Gjate emisionit të së mërkurë në Opinion, Gjuzi tha se ishte rrobaqepës dhe se i kishte qepur pantallonat madje Edi Ramës deri sa ky i fundit mësoi të qepte vetë.
“Nuk kam qepur asnjëherë pantallona, por e kam thënë që jetën e tretë e kam thënë … Nuk do rri me denoncuesin dixhital unë. Në jetën e tretë kam dhe shumë dëshirë të qep. Në atë kohë nuk e kam njohur fare këtë, pantallonat në atë kohë kishte dy figura… Që unë dua të bëhem rrobaqepës kjo nuk është sekret”. / Opinion.al
