Në festën e organizuar nga kombëtarja e futbollit me rastin e kualifikimit të Shqipërisë në Europianin Francë 2016, ishin të pranishëm të gjithë krerët e shtetit.
Ra në sy vijimi i ftohjes mes Ramës dhe Metës, të cilët, marrëdhënien e mirë që deklarojnë përpara mikrofonëve, ndoshta në mënyrë të pandërgjegjshme nuk arrijnë ta konfirmojnë kur harrojnë se ndodhen nën vëzhgimin e rreptë të fotografëve.
Një rast i tillë janë këto fotografi, ku dëshmohet se kryetari i Kuvendit gjatë festës ka paerapëlqyer shoqërinë e Presidentit të Republikës Bujar Nishani.
Kurse vetë Rama, është parë teksa përpiqej të përmirësonte marrëdhëniet me Metën, nëpërmjet gruas së tij Monika Kryemadhi.
