Nuk janë të pakta largimet nga “Portokallia” këtë sezon. Portalet sot shkruajnë se pas largimit të Bes Kallakut dhe Erjon Isait, do të largohet edhe aktori kryesor i “Portokallisë” Florian Binaj.
Blitz.al shkruan se Florian Binaj nuk do të jetë këtë sezon në spektaklin e humorit. Kujtojmë që Binaj ka qenë një ndër aktorët më të pëlqyer dhe më me peshë në spektakël, madje ai ndodhet aty që prej fillimit të saj. Florian Binaj, i njohur si polici i Portokalli-së, apo Edi Rama i Portokallise do të largohet nga spektakli ku u bë i njohur.
Blitz nuk zbulon arsyet apo planet e ardhshme të aktorit të diplomuar për pikturë, por konfirmon largimin e tij sipas burimeve brenda spektaklit.
Flori i Portokalli-së njihet për personazhin e Kol Frakushës, pra rolin e policit 13 vite më parë, një personazh ky shumë i dashur për fansat e tij. Më pas Florin e pamë të imitonte deri në perfeksion edhe si kryeministrin e Shqipërisë, Edi Ramën, e sigurisht që nuk mund të harrojmë as rolin e tij tek “Atentatet” ose më saktë askush nuk e harron batutën e famshme, “E mbaj mend si sot kur ika në Belgjikë me not”.
Nëse nuk dimë vazhdimin e karrierës së Florit, marrim me mend që vazhdimi i Portokalli-së, ku do të mungojë dhe Besart Kallaku dhe Erion Isai, do jetë plot ndryshime. /Opinion.al
