Nëpërmjet portalit “Infermierë për Shqipërinë” nga dita e sotme do të ofrohen mundësi punësimi për infermierët dhe bëhet fjalë për 420 vende të lira pune. Kjo nismë është prezantuar nga vet Kryeministri Edi Rama dhe nga ministrja e Shëndetësisë Ogerta Manastirliu.
Sipas kreut të qeverisë, infermierët që aplikojnë për punë në këtë portal do të rekrutohen vetëm në bazë të meritës dhe nuk do të ketë më lëvizje politike: “Nga sot çdo infermiere që do të rekrutohet në sistemin tonë shëndetësor do të mund të rekrutohet vetëm falë meritës dhe aftësive të veta.
Në bazë të meritës secili do të marrë pikët që i takojnë. Sot janë 420 vende vakante. Ne kemi refuzuar t’i mbushim vendet vakante nga poshtë, nga lartë, pasi përgatiteshim për këtë proces”.
“Përballë ankesave të një infermiereje me 20 vite eksperiencë nuk kam mundur të bëj dot asgjë, që është larguar për tu zëvemdësar nga një infermiere e sapolicencuar”, është shprehur Kryeministri Edi Rama.
Kujtojmë që vendet e lira të punës për mjekët vijnë si pasoj e largimit të tyre jashtë vendit, kjo duket se ka krijuara vakanca në spitalet e gjithë vendit./Opinion.al
