I pyetur se çfarë do të ndodhë në 16 shkurt, Paloka u përgjigj se janë vetë qytetarët ata që i kanë kërkuar opozitës të organizojë protestën, madje “me këmbëngulje të madhe”.
“Janë njerëzit ata që na kërkuan ne: Organizoni protestën, largoni Ramën!” tha Paloka.
Paloka tha se çdo gjë është në dorë të qytetarëve, sa do të zgjasë dhe çfarë do të bëjnë ata.
“Qytetarët kanë në dorë çdo gjë,” tha ai, “nuk do t’i nxisim e as nuk do t’i ndalojmë. Këta protestues që sot janë dhunuar, janë poshtëruar dhe janë më të varfërit kanë në dorë të marrin në dorë ata situatën,” u shpreh Paloka.
I pyetur nga Blendi Fevziu se çdo të ndodhë nëse protestuesit shkatërrojnë kryeministrinë ose një godinë tjetër, Paloka tha se godina nuk ka vlerë, “vetëm tulla.”/E.L
