Nën kryetari i PD-së Edi Paloka iu është përgjigjur zërave që kanë dalë kundër Lulzim Bashës, pas 30 qershorit. Në një intervistë televizive ai është pyetur për pakënaqësitë e figurave historike si Arben Imami dhe Jozefina Topalli.
“Nuk i shoh dhe nuk i lexoj më”, ka thënë Paloka, duke shtuar se “kishin dikur një emër, por po e hedhin në plehra”.
Ai shkon edhe më tej teksa thotë se ish eksponentë të Partisë Demokratike kanë bashkëpunuar me “rivalin” Edi Rama “për të pasur përfitime personale”.
Në lidhje me protestën e së hënës, Paloka zbuloi se ajo do të ketë si komponent kryesor “falënderimin për qytetarët shqiptarë që nuk ranë pre e farsës së 30 qershorit”.
“Nuk kemi thirrur ndonjëherë protesta të dhunshme. Kemi patur fishekzjarrë dhe elemente që mund të kujtojnë idenë e një proteste ndryshe, por kurrë thirrje për dhunë”./ Opinion.al
