Kryedemokrati Lulzim Basha ka caktuar dy drejtuesit politikë për qarkun e Durrësit dhe Elbasanit.
Mësohet se nënkryetarin Edi Paloka është emëruar si drejtues politik të qarkut Durrës, kurse Gazment Bardhi i qarkut Elbasan.
Paloka pritet të jetë në krye të listës në qarkun bregdetar i cili ka një sërë problemesh. Në Durrës vijonë të mbetet ende e hapur çështja e blerjes së votave nga ish-kryebashkiaku Vangjush Dako, i cili doli edhe në përgjimet e prokurorisë në dosjen ‘339’, çështje që ende nuk është hetuar.
Ndërkaq në qarkun e Elbasanit Bardhi do të ketë përballë Taulant Ballën, numrin 2 të Partisë Socialiste, citon News24.
Më herët janë caktuar emrat edhe për qarkun Shkodër, Vlorë dhe Fier.
Përkatësisht:
Në Shkodër- Helidon Bushati
Në Vlorë- Bujar Leskaj
Në Fier- Enkelejd Alibeaj
Kujtojmë që edhe në 7 qarqe të tjera të vendit ende nuk janë bërë të ditur emrat e të deleguarve politikë të PD-së./Opinion.al
